ABOUT BOOK

સ્ત્રી-પુરુષનો પ્રેમ સદીઓથી વિવિધતાભર્યો રહ્યો છે. પૌરાણિક હોય કે ઐતિહાસિક, પ્રાચીન હોય કે અર્વાચીન, દેશ હોય કે વિદેશ – આપણી પાસે અઢળક પ્રેમકથાઓની અમૂલ્ય વિરાસત છે. રાધા-કૃષ્ણ, પૃથ્વીરાજ-સંયુક્તા, રોમિયો-જુલિયટ, લૈલા-મજનુ અને મીરાંબાઈથી લઈને અમૃતા પ્રીતમ સુધી – ઇશ્કની અગણિત દાસ્તાનોમાં પ્રેમસંબંધના અનેક રંગો ખીલ્યા છે.

આવો જ એક અનોખો રંગ લઈને આ પુસ્તક આવ્યું છે…

‘ગુલાબી સપનાંના ઉજાગરા’ હૃદયસ્પર્શી પ્રેમકહાણી છે… શિવાની-મંથન અને સિફત-સહજની. અહીં એકસાથે જિવાતી બે અલગ અલગ જિંદગીઓનાં પાત્રો આગળ જઈને એકતાંતણે ગૂંથાઈ જાય છે કે પછી નદીના બે સમાંતર કિનારાની માફક નજીક હોવા છતાં ક્યારેય મળતાં જ નથી…?

મંથન-શિવાનીનું મિલન ક્ષિતિજ પરના આકાશ અને ધરતીના મિલન જેવું આભાસી સત્ય છે કે પછી સાગર અને સરિતાના મિલન જેવું અફર સત્ય…?

સહજ-સિફતનો પ્રેમ ઓલ્ડ સ્કૂલ રોમાન્સ જેવો ક્લાસિક છે કે પછી મૉડર્ન-ડે લવ જેવો કન્ટેમ્પરરી…?

અહીં પ્રેમની એ ટીસ, ટ્વીસ્ટ, ઉન્સ, ઉલઝન, પીડા, પ્રાપ્તિ, તલબ, તૃપ્તિ, ખાલીપો, ખુશી, અજંપો, આશ્વાસન, મુગ્ધતા, મૅચ્યોરિટી… બધું જ છે.

આ પુસ્તક વાંચતી વખતે તમને તમારું કોઈ ‘ગુલાબી સપનું’ યાદ આવી જશે, જે તમને ‘મીઠો ઉજાગરો’ કરાવી જશે.

વાંચજો… ગમશે… તમારું હૃદય પણ તમારી આંખોનો આભાર માનશે.

DETAILS